Mañana, día 25 de Febrero, se celebra «EL DÍA DEL ESTATUTO», es decir  Extremadura en la escuela. Entre las muchas actividades que están preparadas una de ella es la poesía, pero una poesía muy peculiar, ya que está escrita en Castúo (pequeño dialecto extremeño).

Luis Chamizo en su libro de poemas «EL MIAJÓN DE LOS CASTÚOS» intentó reflejar el habla rural de labradores que denominó «CASTÚO».

Otro poeta que escribió con este pequeño dialecto extremeño  fue Gabriel y Galán y una poesías es :

EL EMBARGO

Señol jues, pasi usté más alanti

y que entrin tos esos,

no le dé a usté ansia

no le dé  a usté mieo..

Si venís antiayel a afligila

sos tumbo a la puerta. ¡Pero ya s’ha muerto!

¡Embargal, embargal los avíos,

que aquí no hay dinero:

lo he gastao en comías pa ella

y en boticas que no le sirvieron;

y eso que me quea,

poeque no me dio tiempo a vendello,

ya me está sobrando,

ya me está gediendo!

Embargal esi sacho de pico,

y esas jocis clavás en el techo,

y esa segureja

y ese cacho e liendro…

¡Jerrsmientas, que no quedi una!

¿Ya pa qué las quiero?.

Si tuviá que ganalo pa ella,

¡cualisquiá me quitaba a mí eso!.

Pero ya no quio vel esi sacho,

ni esas jocis clavás en el techo,

ni esa segureja

ni ese  cacho e liendro…

¡Pero a vel, señol jues: cuidaíto

si alguno de ésos

es osao de tocali a esa cama

ondi ella s’ha muerto:

la camita ondi yo la he querío

cuando dambos estábamos güenos;

la camita ondi yo la he cuidiau,

la camita ondi estuvo su cuerpo

cuatro mesis vivo

y una nochi muerto!

¡Señol jues: que nenguno sea osao

de tocali a esa cama ni un pelo,

porque aquí lo jinco

delanti usté mesmo!.

Lleváisoslo todu,

todu, menus eso,

que esas mantas tienin

suol de su cuerpo…

¡Y me güelin, me güelin a ella

ca ves que las güelo!…